- Dinsdag 13 mei 2025
- Inloop 19:00 – Start 19:30 – Afsluiting 21:30
- Het Vlechttheater – Mandehof 13, Noordwolde
Tael as kraacht, tael as kaans!
Et Stellingwarfs is een slim belangriek onderdiel van de identiteit en eigenhied van de Stellingwarven. Niet alliend om te heuren, maar ook om te dielen. Tegere mit de gemienten Oost- en Weststellingwarf orgeniseren de Stellingwarver Schrieversronte, Toerisme Alliantie Friesland (TAF) en Stiekm Trots een inspiraosiesessie veur ondernemers, bedrieven en orgenisaosies die ni’jsgierig binnen naor wat et Stellingwarfs betekenen kan veur heur onderneming – in de gaastvri’jhiedssektor, mar zeker ook daor buten.
Hoe kuj’ et Stellingwarfs op een netuurlike, herkenbere meniere onderdiel maeken van hoe aj’ meensken ontvangen, betrekken of raeken? Of ie now in de horeka warken, een winkel hebben, aktief binnen in een verieniging of op een aandere meniere kontakt hebben mit meensken: jow eigen streektael kan helpen om jow verhael starker, persoonliker en unieker over te brengen.
Tiedens de sessie dielen we praktische veurbielden, inspiraosie en idenen diej’ morgen al toepassen kunnen – op alderhaande soorten plakken en in uutienlopende praktieken. Van menukaorten en kletspotten tot ansluten bi’j literaire fietsroutes of het gebruuk van Stellingwarfs op perdukten of in kommenikaosie.
En dat allemaole veur de pries van een dag zunneschien!
Wat kuj’ verwaachten?
- Welkom en eupening over et belaang van et Stellingwarfs deur wethoolder Roelof Theun Hoen
- Prissentaosie van de Stellingwarver Schrieversronte
- Veurbielden uut de praktiek – wat is d’r al en hoe warkt dat?
- Gesprek en uutwisseling – wat kuwwe nog meer doen?
- Ofsluiting mit een informele borrel
Disse bi’jienkomst is bedoeld veur iederiene die ontdekken wil wat streektael betekenen kan veur heur bedrief, perjekt of omgeving. Anmelden kan tot en mit vri’jdag 09 meie. Meld jow an, deenk mit en laot je inspireren!