De Alvestêdetocht is folle mear as in winterse redensrûte. It is in libbend ferhaal, ferweve mei de Fryske kultuer en skiednis. Mei de lansearring fan de nije Reisgids Fryske Alvestêden wurdt dizze rûte no it hiele jier troch belibber. De gids nûget ynwenners en besikers út om yn eigen tempo de alve histoaryske stêden te ûntdekken – fol ferhalen, sfear, kultuer en karakter.
De reisgids biedt yn elke stêd in ynsjoch yn it ferline én it no. Net allinnich wat der te sjen is, mar ek hokker ferhalen der skûlje efter gevels, monuminten en strjitnammen. Mei tips foar ûnderweis, omtinken foar kulturele hichtepunten en romte foar eigen ynfolling.
“Minsken fytsje of ride faak yn heech tempo troch de stêden hinne, op syk nei it folgjende stimpelpunt. Mar ast efkes ôfstopst, merkest pas hoefolle der te sjen, te fielen en te belibjen falt. Dizze reisgids helpt dy dêrby, op dyn eigen tempo.”
Krêft fan regionale gearwurking
De gids is ta stân kommen tank oan in sterke regionale gearwurking tusken VVV Waterland fan Fryslân, Visit Friesland, Harns Wolkom oan See, Visit Dokkum, Visit Ljouwert en Frjentsjer – Stjer fan de Alvestêden. Dizze organisaasjes hawwe de hannen yninoar slein mei ien mienskiplik doel: de krêft fan de Alvestêdetocht as kultureel en toeristysk ikoan nij libben ynblaze – net as momintopname, mar as bliuwende belibbing.
Wat dizze gearwurking bysûnder makket, is dat elke regio syn eigen karakter en kleur tafoeget oan it gehiel. Troch kennis, ferhalen en netwurken te bondeljen, ûntstie der ien gids dy’t de ferskaatens en gearhing fan de Alvestêdenregio sjen lit. It resultaat is in ynspirearjend produkt dat besikers útnûget om fierder te sjen as de bekende hichtepunten en écht yn kontakt te kommen mei de stêd, har skiednis en har minsken. Dizze gids lit sjen hoe sterk Fryslân is as regio’s gearwurkje oan ien dielde ambysje: it sichtber en belibber meitsjen fan ús unike identiteit.
De Reisgids Fryske Alvestêden is fergees digitaal te besjen en te bestellen as printe eksimplaar foar €14,95 fia de ûndersteande knop.
Foto: Jurjen Backer Dirks fia VVV Waterland fan Fryslân
